AS CANCIÓNS QUE LLES CANTABAN AOS CATIVOS (XXIV Premio SGAE de Teatro Jardiel Poncela 2015)

Número de personaxes: 4

Duración aproximada: 125´

Espazo escénico: Múltiple

Xénero: Drama político

Sinopse: A acción desenvólvese nas cidades de Vigo e Santiago de Compostela durante a primavera do movemento 15 M, meses antes de que ETA anuncie, en outubro de 2011, o cesamento definitivo da actividade armada, e remóntase á decada dos 80 do pasado século, os anos do terrorismo máis duro e dos GAL. Hai dúas tramas principais que se entrelazan a medida que avanza a acción. Por un lado, a historia dunha presa de ETA que acaba de saír de prisión despois de cumprir a súa condena e, paralelamente, a dun mozo que desexa sabelo todo sobre a súa nai -ausente da súa vida desde que era un neno- para acabar descubrindo o terrible segredo que agacha a súa desaparición.